Аляксандра Герасіменя выйшла ў паўфінал на чэмпіянаце свету
Спаборніцтвы на "кароткай вадзе" праходзяць у турэцкім Стамбуле.
Нашая плыўчыха сёння ўвечары выступіць у паўфінальным заплыве на дыстанцыі 50 м вольным стылем, паведамляе БЕЛТА.
У папярэдніх заплывах на 50 м вольным стылем Герасіменя паказала найлепшы час сярод усіх удзельніц — 24,27 секунды. Калі беларуская плыўчыха адолее сёння дыстанцыю, то заўтра яна выступіць у фінале заплыву на 50 м.
Нагадаем, што ў фінальным заплыве на дыстанцыі 100 м комплексным плаваннем Герасіменя заняла пятае месца.
Фота — era.by
