Амбасада Італіі не выдавала візу шэфу беларускага КДБ
Але чыноўнікі амбасады не кажуць, як фігурант "спісу неўязных" трапіў на тэрыторыю Еўрасаюза.
Пра гэта паведамляе “Народная Воля”. Нагадаем, што звесткі пра службовую камандзіроўку Вадзіма Зайцава ў Італію з'явіліся 6 сакавіка. Падставай стала распараджэнне № 84р аб камандзіраванні шэфа КДБ у Рым. Дакумент падпісаны прэм’ер-міністрам Беларусі яшчэ 28 лютага.
Нагадаем, што некалькі тыдняў таму яшчэ адзін фігурант "чорнага спісу", кіраўнік МУС Анатоль Куляшоў, наведваў Францыю. Ён быў запрошаны туды Інтэрполам.
