Амбасада Швецыі: У Эрыксана сёння быў нармальны працоўны дзень
Адразу па вяртанні ў Мінск пасол Швецыі Стэфан Эрыксан выйшаў на працу.
Пра гэта Еўрарадыё паведамілі ў шведскай амбасадзе. І патлумачылі, чаму першымі, як абвяшчалася раней, у Мінск не прыехалі паслы Польшчы і ЕС — Лешак Шарэпка і Майра Мора, адпаведна.
Амбасада Швецыі: “Рашэнні аб вяртанні паслоў — гэта агульнаеўрапейскае рашэнне, прынятае ўсімі дзяржавамі Еўрасаюза. І рашэнне было прынята наконт усіх паслоў адразу. А далей пачаліся практычныя пытанні (наконт дня вяртання – Еўрарадыё.) — хто бліжэй жыве, у кагосьці — самалёт, у кагосьці — машына, у кагосьці — паром. Разумееце, гэта ўжо практычныя пытанні”.
Сам Стэфан Эрыксан пакуль ад усялякіх каментараў адмаўляецца.
