Беларусь ніколі не будзе прадаваць кантрольны пакет акцый "Беларуськалія"
Пра гэта 15 траўня заявіў журналістам першы намеснік прэм'ер-міністра Беларусі Уладзімір Сямашка.
Па яго словах, якія перадае БЕЛТА, гэта было б злачынства ў адносінах да народа.
Першы віцэ-прэм'ер паведаміў, што "Беларуськаліем" раней цікавілася індыйская кампанія "Indian Potash Ltd". Але цяпер ніякія перамовы з гэтай кампаніяй не вядуцца, перадае interfax.by словы чыноўніка.
Нагадаем, што 8 траўня, выступаючы з пасланнем народу і парламенту, Аляксандр Лукашэнка заявіў пра згоду прадаць "Беларуськалій". Праўда, ён ацаніў яго ў 31,5-32 мільярды долараў. Раней называўся кошт у 30 мільярдаў.
Фота — govorim.by
