Беларусь папросіць у МВФ грошы ўвесну 2013 года
На гэты час Нацбанк плануе абмеркаваць умовы новай крэдытнай праграмы з Міжнародным валютным фондам.
Пра гэта паведаміла старшыня праўлення Нацыянальнага банку Надзея Ермакова падчас оnline-канферэнцыі на сайце БЕЛТА.
Па яе словах, кіраўніцтва МВФ не адмаўляе магчымасці новай праграмы. Падпісанне новай праграмы з фондам варта разглядаць не толькі як узгадненне пэўных дзеянняў і атрыманне пазык. У першую чаргу гэта будзе пазітыўны сігнал, які дазволіць істотна павялічыць інвестыцыйную прывабнасць Беларусі, мяркуе Ермакова.
Нагадаем, што апошняя місія МВФ папярэдзіла, што далейшая супраца з Беларуссю магчымая толькі пры сістэмных рэформах. А Аляксандр Лукашэнка заявіў, што наша краіна пражыве і без дапамогі МВФ.
Фота — polit.ua
