Беларуская біятланістка Дар’я Домрачава выйграла гонку на этапе Кубка свету
Спаборніцтвы прайшлі ў аўстрыйскім Хохфільцэне.
Беларуска была першай у гонцы пераследавання на 10 кіламетраў. Сёлета гэта ўжо другая перамога Домрачавай. Сёння яна стартавала з пятай пазіцыі і дапусціла толькі два промахі. У першую тройку ўвайшлі таксама расіянка Вольга Зайцава і немка Магдалена Нойнер. Зайцава адстала ад беларускі ўсягго на 0,3 секунды. У агульным заліку Дар’я Домрачава займае трэцяе месца.
