Бергер выйграла масавую гонку, Домрачава толькі 21-я — 9 промахаў!
У нядзелю ў Славеніі на этапе Кубка свету па біятлоне прайшла масавая гонка ў жанчын.
Тура Бергер з Нарвегіі атрымала перамогу, другая — Марыям Геснер з Нямеччыны, трэцяя — Габрыэла Саўкалава з Чэхіі. А вось беларуска Дар'я Домрачава, якая выйшла на дыстанцыю пасля прастуды, была толькі 21-й. Яна адстала ад Бергер амаль на тры хвіліны, на агнявых рубяжах у яе было 9(!) промахаў. У беларускі Надзеі Скардзіна 24 месца (4 промахі і ўсе на другім агнявым рубяжы).
