Брэсцкія сацыял-дэмакраты адгукнуліся на мінскі тэракт заявай

Старшыня абласной арганізацыі Беларускай сацыял-дэмакратычнай партыі (Грамада) Ігар Маслоўскі патлумачыў у каментары Еўрарадыё:

Маслоўскі: "Гібель людзей у мірны час — гэта самае агіднае і подлае злачынства. Мы спадзяемся, што гэтая трагедыя не стане асновай для нагнятання страху ў грамадстве з боку органаў улады, палітычных партый і грамадскіх арганізацый ці іншых структур. Мы заклікаем кампетэнтныя органы ўлады правесці аб’ектыўнае расследаванне гэтай трагедыі і знайсці сапраўдных злачынцаў".