Брэсцкая алея Алімпійскай славы амаль засохла (фотафакт)
Толькі 6 дрэваў "сімвала спартовых дасягненняў Брэстчыны" з 16-ці маюць лісце на галінках.
Серабрыстыя клёны з'явіліся ля Палацу водных відаў спорту мінулай восенню. Ва ўрачыстай закладцы алеі прымалі ўдзел мясцовыя чыноўнікі, а таксама 10 чэмпіёнаў і прызёраў Алімпійскіх гульняў.
Па задумцы, колькасць дрэваў была абрана нездарма. Менавіта 16 спартсменаў Брэсцкай вобласці на той момант заваявалі медалі на Алімпійскіх і Паралімпійскіх гульнях.
