Чэргі грузавікоў на мяжы з Літвой змяншаюцца
Аднак перавозчыкам раяць не расслабляцца: у выходныя аўтамабіляў будзе больш, а тэмпература можа яшчэ панізіцца.
Напрыклад, як інфармуе партал DELFI, з чаргі прыкладна ў 9 км каля Медзінінкая ў сераду зранку засталося 180, а ў абед — каля 60 грузавікоў.
Нагадаем, што чарга з фураў з беларускага боку мяжы ўзнікла некалькі дзён таму. Памежнікі тлумачаць яе тым, што многія перавозчыкі едуць праз Літву ў Польшчу. Рэч у тым, што пры ўездзе ў Літву колькасць паліва не нармуецца, у той час, як у Польшчы такія нормы ёсць.
