Чыноўнік раіць Пачобуту дабівацца праз суд права гаварыць па-польску
Такую параду даў намеснік упаўнаважанага па справах рэлігій і нацыянальнасцяў Уладзімір Ламека.
Як паведамляе БелаПАН, заява прагучала 10 чэрвеня на прэс-канферэнцыі чыноўніка.
Нагадаем, 9 чэрвеня ахоўнік гарадзенскага СІЗА перапыніў спатканне журналіста Андрэя Пачобута з бацькам. Нагодай стала тое, што Пачобуты размаўлялі паміж сабой па-польску.
Ахоўнік зрабіў заўвагу, але суразмоўцы мову не змянілі. Тады супрацоўнікі турмы спынілі спатканне і папрасілі Станіслава Пачобута пакінуць памяшканне СІЗА.
Разам з тым, чыноўнік адзначыў, што ў СІЗА павінны былі б працаваць перакладчыкі, якія ведаюць польскую мову.
