Дваіх польскіх дыпламатаў звольнілі за кантрабанду цыгарэт
Супрацоўнікі амбасады Польшчы ў Маскве былі затрыманыя на беларуска-польскай мяжы, яны везлі 100 тысяч штук цыгарэт.
Пасля гэтага інцыдэнту міністр замежных справаў Польшчы Радаслаў Сікорскі прыняў рашэнне аб неадкладным звальненні дыпламатаў, паведамляе РИА Новости. Затрыманыя мелі з сабой дыпламатычныя пашпарты, а кантрабанду спрабавалі вывезці на аўтамабілі з дыпнумарамі.
Кошт цыгарэт ацэньваецца ў 50 тысяч злотых (гэта прыкладна 16 тысяч долараў).
