Еўракамісар заклікаў Сяргея Каваленку спыніць галадоўку
Штэфан Фюле паведаміў у Twitter, што даслаў ліст беларускаму палітвязню.
Камісар ЕС па пытаннях пашырэння і палітыкі добрасуседства адзначае ў Twitter: "Беларусь мае патрэбу ў ім і іншых людзях, якія змагаюцца за правы чалавека і дэмакрытыю".
Нагадаем, Сяргей Каваленка, актывіст КХП БНФ, у лютым быў асуджаны на 2 гады і месяц калоніі за парушэнне рэжыму адбыцця хатняй "хіміі" (яе яму прысудзілі за вывешаны ў Віцебску на галоўнай ёлцы горада бела-чырвона-белы сцяг). Ад снежня Каваленка з перапынкамі галадае за кратамі.
