Фантастычны гол Златана Ібрагімавіча ў браму зборнай Англіі (відэа)
У сераду ў таварыскім матчы зборная Швецыі выйграла ў англічан з лікам 4:2. Чатыры галы забіў Златан Ібрагімавіч.
Прычым яго апошні гол, забіты ўжо ў даданы час, уразіў многіх. Ібрагімавіч забіў праз сябе з 25 метраў.
"Калі я атрымаў доўгую перадачу, я пабачыў, што галкіпер выйшаў з брамы, і падумаў, ці варта мне змагацца за мяч ці пачакаць, пакуль ён адаб'е, — цытуе словы Златана Ібрагімавіча Reuters. — У выніку, калі я згуляў, я трымаў у галаве думку — пастарацца забіць. Калі прызямліўся на газон, бачыў, што абаронца спрабуе недапусціць гол, але мяч апынуўся ў браме".
