Гарантыя на беларускую АЭС — толькі два гады?
З такой заявай выступіў актывіст антыядзернага руху, расійскі фізік-ядзершчык Андрэй Ажароўскі.
Па яго словах, якія перадае інтэрнэт-газета "Ежедневник", такія меры адказнасці прадугледжаныя ў дамове, якую падпісалі ў Мінску 15 сакавіка гендырэктар карпарацыі "Росатам" Кірыенка і міністр энергетыкі Беларусі Азярэц.
Па словах Ажароўскага, гэты тэрмін гарантыі — меншы, чым у многіх сённяшніх мадэляў побытавай тэхнікі. Калі з АЭС штосьці здарыцца праз два гады пасля здачы ў эксплуатацыю, то Расія ніякай адказнасці несці не будзе.
Фота — profinance.kz
