Хакеісты мінскага "Дынама" саступілі "Лакаматыву" — 1:2
2 кастрычніка ў чэмпіянаце Кантынентальнай хакейнай лігі мінчукі прымалі яраслаўскі "Лакаматыў" на сваёй пляцоўцы.
Госці адразу павялі ў рахунку. На першых жа хвілінах шайбы закінулі Сяргей Плотнікаў і Ніклас Хагман. Толькі на 8-й хвіліне Андрэй Стась "размачыў" лік. Але больш да канца гульні ніводная з камандаў не здолела прабіць абарону сапернікаў.
Пасля 12 гульняў "Дынама" з 14 ачкамі займае пятае месца ў дывізіёне Тарасава, дзявятае ў Заходняй канферэнцыі і 18-е ў агульнай табліцы.
Наступны матч "Дынама" таксама правядзе дома. 4 кастрычніка мінчукі сустракаюцца з ніжагародскім "Тарпеда".
Фота — hcdinamo.by
