Кацярыне Герасімчык вярнулі канфіскаваныя ў часе ператрусу рэчы
Ператрус у гродненскай актывісткі прайшоў больш за два месяцы таму, пасля яе затрымання па падазрэнні ў нанясенні графіці на пастамент помніка Леніну.
Нагадаем, 6 красавіка Герасімчык рашэннем суда Ленінскага раёна Гродна была аштрафаваная на 525 тысяч рублёў. Адміністрацыйнае парушэнне, на думку праваахоўнікаў, яна здзейсніла 12 лютага, калі была затрыманая непадалёк ад помніка Леніну. Міліцыянты западозрылі Кацярыну ў нанясенні графіці на яго пастамент. На наступны дзень адбыўся ператрус, у часе якога і быў канфіскаваны кампутар, вернуты Герасімчык толькі сёння, перадае "Праваабарончая хроніка".
