Кіраўніца Нацбанка абяцае, што дэвальвацыі не будзе

Пра гэта 21 лістапада заявіла старшыня праўлення Нацбанка Надзея Ермакова. "Дэвальвацыя ў нас не праглядаецца і не пралічваецца. На даляглядзе яе няма", — перадае БелаПАН яе словы.

Ермакова таксама паведаміла пра пазітыўныя змены на рынку дэпазітаў, дзе назіраецца невялікі прыток па ўкладах у беларускіх рублях.

Акрамя таго яна адзначыла, што валютныя ўклады таксама растуць, прычым трохі больш высокімі тэмпамі, чым у беларускіх рублях, але не так, як гэта было ў трэцім квартале.

Нагадаем, што ў кастрычніку насельніцтва пачало здымаць грошы з рублёвых укладаў.  Нацбанк разлічваў у лістападзе пераламіць гэтую тэндэнцыю.

Фота — kp.by