Клуб Re:Public распачаў серыю летніх вечарынак
Кожную пятніцу і суботу тут ладзяцца адмысловыя летнія паці.
“Лета – перыяд актыўнага адпачынку і мы хочам, каб усе адпачывалі актыўна, многа і даступна! – тлумачыць ідэйны натхняльнік і арганізатар вечарынак Зміцер Шапялевіч. - Па пятніцах у нас рэтра-праект “Рэспубліканскае рэтра”. А па суботах “Summer Session” – гэта розныя стылі электроннай музыкі drum'n'Bass, dubstep, jungle і шмат чаго іншага!”
Каб зрабіць летнія вечарынкі больш разнастайнымі, клуб запрашае і замежных гасцей. Так, ужо 21-га ліпеня з сапраўдным шоў Re:Public наведае дыджэй з Амерыкі. Але арганізатары пакуль не раскрываюць усе сакрэты і запрашаюць сачыць за падрабязнасцямі на сайце клуба, а таксама ў афішы Еўрарадыё.
Да 1.00 уваход на вечарынкі вольны, а тым, хто спазніўся, давядзецца заплаціць даволі дэмакратычную суму за квіток. І не забудзьцеся: на начныя імпрэзы ў Re:Public могуць трапіць асобы, якім ёсць18 гадоў.
Фота: flickr.com
