Кошт білета ў гомельскую карцінную галерэю можа скласці 100 тысяч рублёў
А можа стаць і бясплатным… Праўда, толькі па панядзелках і толькі ў гарадской галерэі імя Гаўрылы Вашчанкі.
Гэтая акцыя атрымала назву “Дзень падзякі”. Ідэя яе правядзення належыць дырэктарцы карціннай галерэі Людміле Шымбалёвай. Штуршком для такога кроку паслужыла наведванне гамяльчанкай вядомага амерыканскага музея — нью-ёркскага Мэтраполітэн, піша газета “Гомельскія ведамасці”. Звычайны білет у ім каштуе 25 долараў, але заплаціць можна як у некалькі разоў менш, так і больш. Такім чынам, кожны панядзелак гамяльчане і госці горада змогуць наведаць галерэю за кошт, які будуць вызначаць самі.
Фота музея Метраполітэн — muzeimira.ru
