Куды зніклі дзясяткі тысяч заўзятараў на матчы Беларусь — Грузія?
Абяцанага афіцыйнымі СМІ аншлагу не было.
Паводле афіцыйнай інфармацыі, на аўторкавым адборачным матчы чэмпіянату свету паміж зборнымі Беларусі і Грузіі на мінскім стадыёне "Дынама" былі 13 тысяч чалавек.
А яшчэ 15 кастрычніка тэлеканал "Сталічнае тэлебачанне" паведамляў пра... 27 тысяч прададзеных білетаў на гэты матч. Учора раніцай БЕЛТА піша: "На матчы футбалістаў Беларусі і Грузіі чакаецца аншлаг". Нібыта, засталося прадаць толькі тры тысячы квіткоў. Дык куды зніклі людзі? 
Варта нагадаць, што ў аўторак за некалькі гадзінаў да пачатку матчу Аляксандр Лукашэнка распавёў журналістам, што на матч беларускай і іспанскай зборных стадыён збіраўся пры дапамозе "адміністрацыйнага рэсурсу". Тады на трыбунах была 31 тысяча чалавек. "На матч з Грузіяй мы людзей збіраць не будзем", — сказаў Лукашэнка. І, сапраўды, заўзятараў прыйшло малавата.
Беларусь выйграла ў Грузіі з лікам 2:0 (фота, відэа галоў і бойкі, табліца)
Фота — bymedia.net
