Літоўскі тэлеканал: беларускія алігархі набываюць кватэры і дамы ў Вільні
TV3, агучваючы гэтую інфармацыю, спасылаецца на свае крыніцы.
Між іншым, тэлеканал адзначае, што бліжэйшае атачэнне Аляксандра Лукашэнкі і буйныя алігархі кантактуюць з літоўскімі палітыкамі і прадпрымальнікамі, і ўжо даўно фармуюць іх погляд на сітуацыю ў Беларусі.
Паведамляецца, што нерухомасцю ў Вільні, нібыта, валодаюць алігарх Аляксандр Шакуцін, уладальнік кампаніі "Трайпл" Юрый Чыж, амбасадар Беларусі ў Літве Уладзімір Дражын, былы міністр замежных спраў Сяргей Мартынаў і нават прэм'ер-міністр Міхаіл Мясніковіч. Як інфармуе БелаПАН, у прэс-службе Савета міністраў нашай краіны адмовіліся ад каментароў.
Фота — bymedia.net
