Літоўскія атамшчыкі хочуць працаваць на Беларускую АЭС
Пра гэта заявіў прадстаўнік Дырэкцыі будаўніцтва атамнай электрастанцыі Эдуард Свірыд.
Па яго словах, якія перадае БЕЛТА, літоўскія атамшчыкі засталіся без працы ў сувязі з закрыццём Ігналінскай АЭС, таму звярнуліся ў Дырэкцыю будаўніцтва Астравецкай АЭС. У Беларусі не выключаюць, што некаторыя літоўскія спецыялісты атрымаюць магчымасць працаваць на атамнай электрастанцыі ў Беларусі.
Таксама свае паслугі прапанавалі беларусам і ўкраінскія атамшчыкі і расіяне. Аднак, кажа Свірыд, на беларускай АЭС будуць працаваць пераважна беларусы.
