Ліянэль Месі падвёў вынік сезону — забіў 91-ы гол! (відэа)
У суботу ў чарговым матчы чэмпіянату Іспаніі "Барселона" ў гасцях перамагла "Вальядалід" — 3:1.
Адзін з галоў забіў Месі на 59-й хвіліне (гл. відэа).
Нагадаем, два тыдні таму Ліянэль Месі пабіў рэкорд легендарнага Герда Мюлера, які за сезон 1972 года забіў 85 галоў у 60 матчах за "Баварыю" і зборную Нямеччыны. Цяпер жа ў форварда 91 гол за сезон. Палепшыць гэты рэкорд сёлета Месі не зможа — у 2012 годзе гэта быў яго апошні матч.
"Месі па заслугах пераўзышоў мой рэкорд. Хаця пры цяперашнім узроўні абароны можна забіваць і болей мячоў", — заявіў Герд Мюлер.
