Лукашэнка павіншаваў з Новым годам Пуціна і не павіншаваў Абаму
Кіраўнік Беларусі павіншаваў замежных лідараў з Новым годам і Нарадэжннем Хрыстовым.
Як інфармуе БЕЛТА, Аляксандр Лукашэнка даслаў віншавальныя пасланні вышэйшаму кіраўніцтву Расійскай Федэрацыі, Патрыярху Маскоўскаму Кірылу, прэзідэнтам Казахстана, Туркменістана, Азербайджана, Украіны ды іншым кіраўнікам краін СНД, Еўропы, Азіі, Афрыкі, Блізкага Усходу і Лацінскай Амерыкі.
Віншаванні ад імя беларускага лідара таксама накіраваныя кіраўнікам міжнародных арганізацый, расійскіх рэгіёнаў, вядомым палітычным і грамадскім дзеячам, прадстаўнікам бізнэс-колаў.
Прэзідэнта ЗША ў пераліку віншаванняў няма. Нагадаем, што Лукашэнка не віншаваў Абаму і з пераабраннем. Афіцыйнае тлумачэнне — прынцып узаемнасці: маўляў, Абама таксама не віншаваў беларускага кіраўніка з перамогай у 2010 годзе.
Фота — Reuters
