Матчы 4-га тура чэмпіяната Беларусі па футболе пачнуцца з хвіліны маўчання
Да формы гульцоў 15 красавіка дададуцца чорныя павязкі на рукавах.
З хвіліны маўчання пачнецца 4-ы тур чэмпіяната Беларусі па футболе, матчы якога адбудуцца 15 красавіка. Пра гэта Еўрарадыё паведамілі ў прэс-службе Беларускай федэрацыі футбола:
“Усе матчы [15 красавіка. — Заўв. ЕРБ] будуць пачынацца з хвіліны маўчання. Усе каманды выйдуць на поле ў жалобных павязках”.
Нагадаем, 13 красавіка ў Беларусі абвешчаная жалоба па ахвярах тэракта 11 красавіка 2011 года ў мінскім метро.
