Міністр Мартынаў: Еўрасаюз павінен вяртаць амбасадараў асэнсавана
З такой заявай выступіў міністр замежных справаў Сяргей Мартынаў пасля нарады ў Лукашэнкі па пытаннях замежнай палітыкі.
Кіраўнік МЗС заявіў, што Беларусь не высылала еўрапейскіх амбасадараў і не выступае супраць іх вяртання. Аднак, кажа дыпламат, трэба зрабіць, каб гэта было асэнсавана і зразумела людзям, пераадае interfax.by.
У прыватнасці, кажа Мартынаў, "калі яны вернуцца, а ў красавіку будуць прыняты нейкія санкцыйныя меры, то што гэта за дыялог такі?"
Нагадаем, што Беларусь адправіла на кансультацыі паслоў Еўрасаюза і Польшчы. Дыпламатычныя прадстаўнікі іншых краін Еўрасаюза пакінулі нашу краіну на знак салідарнасці з высланымі амбасадарамі.
