Мінскае "Дынама" 1982 года параўналі з цяперашняй "Барселонай"
Такую паралель правёў знакаміты ў 1980-я гады грузінскі футбаліст Аляксандр Чывадзэ.
Нагадаем, у 1982 годзе мінскія дынамаўцы пад кіраўніцтвам Эдуарда Малафеева сталі чэмпіёнамі СССР. Сёлета з той падзеі споўніцца 30 гадоў.
"Мінскае "Дынама" тады паймала сваю гульню і адрознівалася ад усіх... хлопцы гулялі! А як трымалі мяч! Вось як цяпер "Барселона", так і ваша "Дынама" ўзору 82-га года — дома і на выездзе дзейнічалі аднолькава, не прымерваючы ролю другога нумару", — цытуе словы Чывадзэ газета "Прессбол".
