Мінская актывістка БХД не зможа заклікаць да байкоту выбараў
Надзеі Іюльскай адмовілі ў правядзенні двух акцыяў пратэсту.
Правядзенне першага пікету было запланавана ўвечары 28 ліпеня на Плошчы Якуба Коласа. Але ў яго правядзенні было адмоўлена паводле арт. 9 закону "Аб масавых мерапрыемствах Рэспублікі Беларусь" з прычыны блізкасці станцыі метро.
У правядзенні другога пікету, запланаванага на 30 ліпеня на вуліцы Жылуновіча, адмовілі таксама паводле арт. 9 дадзенага закону, але канкрэтную прычыну адмовы не напісалі.
Абедзве адмовы падпісаў намеснік старшыні Мінгарвыканкаму Ігар Карпенка, інфармуе прэс-служба Беларускай хрысціянскай дэмакратыі.
Фота: udf.by
