Мужчына ўпаў спінай на нож, які нёс у сумцы, і загінуў
Трагічнае здарэнне адбылося ў вёсцы Трайчаны ў Любанскім раёне.
Як паведамляе БелаПАН, 56-гадовы мужчына выпіваў у кампаніі знаёмых, пасля развітаўся і выйшаў з дома. Аднак на ганку ён паслізнуўся і ўпаў спінай на сваю сумку, якая вісела на плячы. У ёй ляжаў нож, на які і напароўся мужчына.
Параненага знайшоў аднавясковец, які зацягнуў яго ў дом. Ён палічыў, што знаёмы п'яны і таму не выклікаў "хуткую". Без медычнай дапамогі мужчына памёр.
