МВФ падтрымлівае рашэнне Нацбанку адпусціць курс валюты
Цяпер Міжнародны валютны фонд чакае поўнай уніфікацыі курсаў на рынку.
Пра гэта ў інтэрв’ю БелаПАН заявіла сталы прадстаўнік МВФ у Беларусі Наталля Калядзіна. У фондзе спадзяюцца, што гэта аблегчыць пакупку замежнай валюты насельніцтвам.
Разам з тым прадстаўнік МВФ адзначыла, што ёй нічога не вядома пра нібыта існуючую просьбу Нацбанка да банкаў утрымліваць да канца тыдня курс у абменніках на ўзроўні не вышэй за 4.000 беларускіх рублёў за долар.
