На ўкраінска-беларускай мяжы "затрымаліся" дзясяткі фураў
Здарэнне адбылося на ўкраінскім баку, у пункце выдачы пропускаў "Ігнатпаль".
Укртрансінспекцыя, якая павінна выдаваць пропускі, заяўляе, што беларускі бок вычарпаў квоты на міжнародныя аўтаперавозкі. Калі з'явяцца новыя — невядома. Тым часам у дальнабойшчыкаў, вымушаных жыць у лесе, сканчаюцца салярка і харчаванне, піша выданне fakty.ua.
Па словах кіроўцаў, некаторыя з іх стаяць ужо тыдзень. Кожны дзень для таго, каб сагрэцца, яны спальваюць да 20 літраў саляркі. Па прадукты і ваду ездзяць у бліжэйшы населены пункт.
Фота — fakty.ua
