Нарвежская паліцыя правяла следчы эксперымент з удзелам Брэйвіка
Тэрарыста прывезлі на востраў Утоя, дзе ён расстраляў 69 чалавек.
Нарвежская газета “Вердэнс Ганг” апублікавала фатаграфію Андэрса Брэйвіка, на якой ён паказвае, як накіроўваў свой пісталет на чалавека, які спрабаваў выратавацца з вострава па вадзе.
Нагадаем, што 22 ліпеня Брэйвік адкрыў стральбу ў маладзёжным лагеры на востраве Утоя, у выніку чаго былі забітыя 69 чалавек. За некалькі гадзін да гэтага ён, па ўласным прызнанні, падарваў бомбу ў цэнтры Осла. Загінулі восем чалавек.
