Паэты Брэстчыны адзначылі 110-годдзе на дваіх

Паколькі сумясціць у прасторы Жабінку і Лінова на Пружаншчыне не выпадае, святкавалі ў Жабінцы. Сабралася кола сяброў, у асноўным, з літаратурнага аб’яднання “Берасьцейскае вогнішча”.

У юбілейным годзе Алесь Каско выпусціў кнігу вершаў “Нічога больш”.  Паэт-пчаляр Мікола Папека нацэліўся на 2012 год. Налета спаўняецца 200 гадоў яго земляку, Юзафу Ігнацыю Крашэўскаму, песняру Вялікага Княства Літоўскага і сябру дэмакратыі. Спадар Папека пачаў працу над перакладам  яго паэмы “Сялянка”.