Палажанка збіраецца надаць галоснасць фактам жорсткага стаўлення да вязняў
Намеснік старшыні "Маладога фронту" Наста Палажанка ад свайго імя падае заяву ў Генпракуратуру і Дэпартамент па выкананні пакаранняў МУС.
Дзяўчына збіраецца азнаёміць міжнародную супольнасць і прадстаўнікоў еўрапейскіх амбасадаў у Мінску з фактамі жорсткага стаўлення да беларускіх вязняў і з просьбай адрэагаваць на парушэнне правоў чалавека.
Гаворка ідзе аб фактах, выкладзеных у заяве Зміцера Дашкевіча ў Генпракуратуру. У заяве зняволены лідэр "Маладога фронту" паведамляе пра пагрозы фізічнай расправы, фізічныя катаванні, праблемы з мовай.
Наста Палажанка палічыла неабходным накіраваць аналагічныя заявы ў Генпракуратуру і Дэпартамент па выкананні пакаранняў МУС і надаць гэтым фактам галоснасць, паведамляе "Беларускі партызан".
