Палітвязень Яўген Васьковіч зноў апынуўся ў ШІЗА
Яго пасадзілі ў штрафны ізалятар на 7 сутак.
Як паведамляе прэс-служба аргкамітэта БХД, 4 кастрычніка адвакату Васьковіча адмовілі ў сустрэчы з падаабаронным. Прычына — тым, што палітвязень трапў у ШІЗА.
Выйсці са штрафнога ізалятара ён павінен праз тры дні. Адміністрацыя турмы не дазволіла сустрэчу з адвакатам, пакуль вязень знаходзіцца ў карцары. Паплечнікі Васьковіча па БХД тлумачаць ціск на яго тым, што хлопец адмаўляецца пісаць прашэнне аб памілаванні.
