Памерла падпольшчыца Надзея Траян, якая ўдзельнічала ў ліквідацыі Кубэ
Дзяячка мінскага падполля і партызанскага руху часоў Другой сусветнай вайны сканала 7 верасня ў Маскве на 90-ым годзе жыцця пасля працяглай хваробы.
Надзея Траян была сувязной, выведніцай, медсястрой. Яна таксама праславілася тым, што брала ўдзел у ліквідацыі гаўляйтара Беларусі Вільгельма фон Кубэ. За гэта яна і атрымала званне Героя Савецкага Саюза, нагадвае БЕЛТА.
Пасля вайны жанчына прысвяціла сябе медыцыне і грамадскай працы. Была актыўным сябрам ветэранскага руху, а таксама ўзначальвала выканкам Саюза таварыстваў Чырвонага Крыжа і Чырвонага Паўмесяца СССР.
