Партыя БНФ: на бліжэйшых выбарах трэба яшчэ больш кандыдатаў
Такую заяву зрабіў старшыня арганізацыі Аляксей Янукевіч, выступаючы 13 кастрычніка ў Мінску на паседжанні сойму партыі.
Паводле яго словаў, ужо цяпер трэба фармаваць папярэдні спіс кандыдатаў у дэпутаты мясцовых саветаў. А вось пытанне, ці павінны кандыдаты ісці на выбарах да канцы, або здымаць свае кандыдатуры перад галасаваннем, павінны вырашаць самі кандыдаты, прыводзіць словы Янукевіча БелаПАН. “Агульнапартыйнае пасланне будзе падрыхтаванае. Але тактыка на мясцовых выбарах павінна залежаць ад саміх кандыдатаў”, — лічыць ён.
Што да будучых прэзідэнцкіх выбараў, якія павінны адбыцца ў 2015 годзе, то тут Партыя БНФ выступае за адзінага кандыдата ад апазіцыі.
