Польшча развітваецца з Лехам Качыньскім
Усю ноч каля Прэзідэнцкага палаца знаходзіліся людзі. Яны прыносілі кветкі і знічы, ланцугі з якіх расцягнуліся на сотні метраў.
Знічы таксама запаленыя і ў шмат якіх іншых месцах Варшавы — пры касцёлах, помніках, пляцах, скрыжаваннях.
Увечары 11 красавіка ў Прэзідэнцкім палацы былі змешчаныя Кнігі спачуванняў, да якіх бесперапынна падыходзяць людзі, каб пакінуць запіс. Пакінулі свае запісы і беларусы.
Дарэчы, ад суботы, 10 красавіка, сярод знічоў і кветак перад Прэзідэнцкім палацам стаіць вялікі бел-чырвона-белы сцяг.
Фота Насты Ільіной, Мілы Коткі і Лены Сідозы
