Помнік Леніну ў Гомелі стаў гісторыка-культурнай каштоўнасцю
На галоўным гарадскім помніку правадыра бальшавіцкай рэвалюцыі з’явілася адмысловая шыльда
Некалі Еўрарадыё паведамляла пра тое, наколькі ў Гомелі пашыраныя выява Леніна і сімволіка савецкіх часоў. Цяпер жа асноўны помнік правадыру Кастрычніцкай рэвалюцыі на аднаіменнай плошчы набыў статус гісторыка-культурнай каштоўнасці — аб гэтым сведчыць шыльда з тыльнага боку пастамента.
Цікава, ці нададуць такі статус усім помнікам Леніну ў Гомелі? Бо, напрыклад, адзін з іх месціцца на тэрыторыі дзіцячага садка і, гуляючы, маленькія гамяльчане могуць яго пашкодзіць.
