Прафсаюзны актывіст адсудзіў у свайго наймальніка 4530 рублёў
На думку суда менавіта столькі адміністрацыя Магілёўскага вагонабудаўнічага завода не даплаціла зваршчыку Валадару Цурпанаву за працу прыбіральшчыка.
Ад адміністрацыі прадпрыемства сябра незалежнага прафсаюза РЭП патрабаваў суму каля 100 тысяч рублёў. Паводле яго наймальнік мусіў даплаціць яму за працу прыбіральшчыка і за вымушаны прастой падчас візітаў на прадпрыемства першага віцэ-прэм’ера Уладзіміра Сямашкі.
Валадар Цурпанаў адзначае, што рашэннем суда застаўся збольшага задаволены. Суд прызнаў наймальніка вінаватым, хоць не абавязаў прадпрыемства выплаціць ўсю запатрабаваную суму і не вынес прыватнае азначэнне ў адрас кіраўніцтва завода.
