Пракуратура цікавілася ў Вячоркі ягонымі інтэрв'ю
Вінцук Вячорка паўгадзіны адказваў на пытанні следчага мінскай пракуратуры Канстанціна Глаўніцкага.
Допыт 3 жніўня быў звязаны з выбухам у мінскім метро, перадае Радыё "Свабода". На думку Вячоркі, гэтая гутарка адбылася згодна з ранейшым распараджэннем Лукашэнкі апытаць усіх, хто даваў каментары і інтэрв'ю пасля выбуху.
Следчага цікавіла, ці дапускаў Вячорка абразы і паклёп на адрас прадстаўнікоў улады і ці абвінавачваў некага. Палітык адзначае, што нічога такога не рабіў.
