Працягваюцца затрыманні грамадскіх актывістаў
Алеся Крата, актывіста “Студрады” 31 снежня адвезлі ў Кастрычніцкі РУУС Мінска на “гутарку”.
Гэта чарговы выпадак пераследу актывістаў у святочныя дні. 30 снежня супрацоўнікі КДБ затрымалі і дапыталі лідара “Маладых дэмакратаў” Алега Корбана. У той жа дзень, абвінаваціўшы ў дробным хуліганстве, на 5 сутак асудзілі актывіста АГП Аляксандра Сцепаненку. На такі ж тэрмін зняволілі ў Мінску Андруся Крэчку, а ў Гомелі Змітра Шаўчэнку, інфармуе Радыё Свабода.
Затрыманні актывістаў праваабаронцы звязваюць з аб’яўленай у сацыяльных сетках акцыяй на святы.
