Расія і Ўкраіна пачалі пастаўкі электраэнергіі ў Беларусь

"Сёння ў 00.00 гадзін па маскоўскім часе пачаліся пастаўкі электраэнергіі з Расіі ў Беларусь, лініі электраперадач уключаны", — паведамляе РІА Новости са спасылкай на "Інтэр РАО".

"У нас усё ўжо добра. Экспарт адноўлены", — паведаміў журналістам дырэктар "Укрынтерэнэрга" Максім Кучар, адзначыўшы пры гэтым, што прадпрыемства ўзгадніла пытанні кошту з беларускім контрагентам  "Белэнэрга".

У той жа час крыніца ў "Укрэнерга" пацвердзіў УНИАН інфармацыю пра тое, што з сённяшняга дня міждзяржаўныя лініі электраперадач, якія злучаюць энергасістэмы Ўкраіны і Беларусі, загружаны на 150 Мвт. Пры гэтым хуткім часам чакаецца павелічэнне загрузкі ліній,  паведамляе БелаПАН.