Рыгор Рапота: пытанні наконт боегатоўнасці саюзных СПА заканамерныя
Такім чынам дзяржсакратар саюзу Беларусі і Расіі пракаментаваў скандал вакол “мядзвежага дэсанту”.
“Усе пытанні, якія задае грамадскасць наконт боегатоўнасці саюзных СПА, абсалютна заканамерныя”, — заявіў карэспандэнту БелаПАН Рыгор Рапота 15 ліпеня ў Віцебску. Пры гэтым высокі чыноўнік адмовіўся каментаваць сам факт перасячэння паветранай мяжы саюзнай дзяржавы замежным самалётам.
"Калі факт перасячэння мяжы пацвердзіцца, будуць зробленыя адпаведныя высновы. У любой справе бываюць памылкі, недапрацоўкі і разгільдзяйства. Чаго толькі не бывае", — дадаў Рапота.
У Віцебску дзяржсакратар СД узяў удзел у прэс-канферэнцыі, прысвечанай Дню саюзнай дзяржавы, які адзначаецца ў межах фестывалю "Славянскі базар".
