Савет міністраў запланаваў на 2013 год 7 пахаванняў (дакумент)
Інфармацыя пра гэта з’явілася на сайце дзяржзакупак.
“Дастаткова вялікая колькасць членаў урада ў старым узросце. І заўсёды трэба пра іх памятаць. Усякае бывае. Бывае і так, што нехта сыходзіць з жыцця”, — тлумачаць Еўрарадыё ў Саўміне незвычайную пазіцыю ў плане выдаткаў на 2013 год.
Мы там угледзелі пазіцыю “пахаванні, 7 шт.” Выдаткуюць на іх 29 мільёнаў. Калі падзяліць на сем, то атрымаецца зусім няшмат. Нешта каля 500 долараў.
Як таксама даведалася Еўрарадыё, такі пункт у гадавым бюджэце Савета міністраў – звычайная справа. Аднак у апараце Саўміна гавораць, што калі гэтыя 29 мільёнаў атрымаецца зэканоміць – будуць толькі рады.
