Сёння ў Гродне Віктар Шалкевіч дасць два канцэрты запар
Папулярнасць вядомага барда прымусіла адміністрацыю драмтэатра зрабіць другі выступ.
Але і на канцэрт на 16 гадзін квіткі раскупілі за лічаныя дні.
“Сённяшняя праграма “Ах, вясна, мы навечна твае” — гэта шэсць новых песень, якіх яшчэ ніхто не чуў,— расказаў Еўрарадыё Віктар Шалкевіч. — Таксама спяю і старыя любімыя песні. Канешне, сёння мая музыка будзе скіравана ў жаночы бок”.
Канцэрты пройдуць у малой залі драматычнага тэатра а 16-й і 19-й гадзіне.
