Сікорскі: Калі палітвязняў не вызваляць, ЕС давядзецца пашырыць санкцыі
Пра гэта ў Берліне заявіў міністр замежных спраў Польшчы Радаслаў Сікорскі.
Паводле яго слоў, у Еўропе спадзяюцца, што афіцыйны Мінск вызваліць палітычных зняволеных. Калі гэтага не адбудзецца, Бруселю давядзецца пашырыць санкцыі. Радаслаў Сікорскі падкрэсліў, што ўлады Беларусі "нясуць адказнасць за жыццё грамадзян" у сваёй краіне, інфармуе РІА "Новости".
Нагадаем, 23 сакавіка міністры замежных спраў краін ЕС у чарговы раз разгледзяць "беларускае пытанне". Чакаецца, што можа быць прынятае рашэнне аб пашырэнні санкцый супраць афіцыйнага Мінску, гаворка ідзе не толькі пра візавыя, але і пра эканамічныя санкцыі.
Фота — bymedia.net
