Сіноптыкі: у аўторак удзень чакаецца да 8 марозу, снег
Уначы па Брэсцкай вобласці пройдзе невялікі снег. Раніцай і ў дзённыя гадзіны прагназуецца пагаршэнне ўмоваў надвор'я: снег, мокры снег.
На поўдні краіны — снег з дажджом. Месцамі туман, галалёд. На асобных участках дарог захаваецца галалёдзіца. Вецер будзе паўднёва-ўсходні 6-11 метраў за секунду.
Тэмпература паветра ў начныя гадзіны складзе 6-12 градусаў ніжэй за нуль, на паўночным-усходзе да 13-19 марозу. Удзень чакаецца ад 1 градуса цяпла на поўдні да 8 марозу на поўначы, паведамляе БЕЛТА.
