Славенія сцвярджае, што яна не спрабавала выключыць Чыжа з "чорнага спісу"
Матэй Марн, дырэктар палітычнага дэпартамэнту Міністэрства замежных справаў Славеніі, заявіў, што ягоная краіна адхіляе гэтае абвінавачанне як беспадстаўнае.
"Правы чалавека, пашана для правоў чалавека і пашана для нормаў права з'яўляюцца ключавымі прынцыпамі замежнай палітыкі Славеніі", — цытуе словы Марна Радыё Свабода.
Ён падкрэсліў, што Славенія падтрымлівае ўвядзенне абмежавальных захадаў у адносінах да эканамічных прадпрыемстваў і бізнэсоўцаў, якія супрацоўнічаюць з беларускімі ўладамі. Аднак прапануе падрыхтаваць поўны спіс гэтых прадпрыемстваў, бо Юрый Чыж "не з'яўляецца адзіным, хто падтрымлівае рэжым".
